Kanngoruuaqqat nunami ilusilersuisarsimapput

Tasmaniami sungaartorsorsuarnut narsaatini ammallorissuliat eqqumiitsut UFO-nit sanaajunngitsut paasineqarpoq. Tuluit Nunaanni siornaakkunni ammallorissuliortoqarmat taamanikkut paasineqarpoq inuit ikasarlutik taamaattuliorsimasut, Tasmaniamilu narsaatini ammallorissuliat inunnit suliaanngitsut aamma paasineqarpoq.
Allattoq Lotte Holm
juunip 25-at 2009 11:32

Tasmaniami sungaartorsuarnut narsaatini ammallorissuliortut tassaapput wallabienik taaguuteqartut, tassa kanngoruut minnerit.

- Wallabiet ajornartorsiutigivagut. Sungaartorsuarnummi narsaatinukariarlutik sungaartorsuarnik nerisaqartarput, sungaartorsuit aanngajaarniutitut atortaramikkit. Malugisimaarnermi nalaani narsaatitsinni ammallorissuliortarput, Lara Giddings, Tasmaniami qinikkat ilaat oqarpoq.

Opiumi nakorsaatitut nunarsuarmi atorneqartartup affaa Tasmaniami tunisassiarineqartarpoq, wallabiellu kisiisa sungaartorsuarneq ajorput, tuttorsuimmi aamma sungaartorsuartortarpunngooq, sungaartorsuit aanngajaarniutitut aamma atortaramikkit. Tuluit nutaarsiassaqartitsiviat Reuters allappoq.