Kangillinnguit Atuarfianni atuartut annerit unammisinneqartut
Nuummi Kangillinnguit atuarfianni 9. klassini atuartut ukiap ingerlanerani immikkut ittumik sammisaqartinneqarput – tassa robotiliortinneqarlutillu isaannarmik takuneqarsinnaanngitsumik, Nanoteknologiimik taaneqartartumik, unammisinneqarput !!
Nunat tamat pisortatigoortumik unammisitsinerat, First LEGO League-mik taaguusigaq, meeqqat unammissutigalugulu ilisimatusarfigisimavaat.
Meeqqat suleqatigiillutik robotip immikkut ittumik suliaqartarnissaa namminneq ilisimatusarfigisimavaat.
Isaannarmik takuneqarsinnaanngitsumik ilisimatusartarneq atuagarsorfigisimavaat, kinalu pitsaanerpaamik suliaqarsimanersoq arfininngorpat unammissutigissavaat.
Pinnguarneq ilinniarnerlu aqqutigalugit ilisimasaqalernerunissaq, inuttullu qanillinissaq, tunngavigalugu, Nuup Kommuneata meeqqat taama unammisissimavai.
Meeqqat suleqatigiinnissartik ajornartorsiutaasinnaasunillu aaqqeeqatigiinnissartik unamminermi ilinniartarpaat. Robotip sananissaa, suliassaanillu tuniorarnissaa, imaannaanngitsuuvoq!
Unamminermi ajugaasut decembarip aappaanni ukioq manna Sverigemi Västeråsiliassapput nunallu avannarliit akornanni unammiuaarneranni peqataassallutik.
