Kangilinnguit tuniniarneqalerput
Nalliuttorsiualaarfiusumik Issittortumi sakkortooqarfik Nuummi oktobarip naggataani ammaanersiorneqarpoq. Tamannali aamma aallarniutaavoq allami inuulluaqqusinissamut.
Siornatigut Kangilinnguani sakkutooqarfik Issittumi sakkutooqarfeqalerneratigut upernaap ingerlanerani qimanneqartussanngorpoq. Sulili nalunarpoq sakkutooqarfiup illutai qanoq pineqassanersut.
Illut maanna tuniniarneqalerput sakkutuulli isertuutinngilaat Kangilinnguani sakkortooqarfiusimasup ingerlanneqarnissaa ajornakusoorsinnaasoq. Tassami tassunga timmisartuussisarnerit imaatigullu assartuinerit unissasut, Issittumi sakkutooqarfik nalunaarpoq.
- Ilanngullugu erseqqissaatigineqassaaq avatangiisit eqqarsaatigalugit akisussaaffik piginnittuulersussamut aamma tunniunneqassammat. Taamaammat aningaasatigut qularnaveeqqusiisoqartussaavoq nunap iluarsaanneqarsinnaanissaanut, sakkutuut tusagassiutinut nalunaarumminni allapput.
2013-mi apriilip aallaqqataa nallertinnagu pisisussamik takkuttoqanngippat sakkutuut illuutaat isaterneqassapput.