Kangilinnguani Sakkutooqarfik sakkutuussarsiorniarpoq

apriilip 12-at 2007 05:46

Kalaallit atuartut Kangilinnguani Sakkutooqarfiup tigusarissallugit pilersaarutigaa.

Taamaammat sakkutuussarsiorlutik illoqarfinnut tallimanut qaammatip tulliani angalaassamaarput, Kangilinnguani Sakkutooqarfimmi sulinerup inuunerullu qanoq ingerlasarnera inuusuttunut paasisitsiniutigissallugu.

Aqqartartut atortuinik misiliinissaminnut inuusuttut periarfissinneqassapput, qulimiguulimmut ilaallutik misilissavaat, taamattaaq aamma Siriusikkut atortutik takutissagaat.

Illoqarfiit tallimat orninneqartussat tassaapput Qaqortoq, Sisimiut, Nuuk, Aasiaat aamma Ilulissat.