Kangiata Qimussersua: Avannaata Qimussersuini peqataasinnaajunnarnerput uggornaqaaq
Sukkaniuttarneq pisoqarfiusaqisoq pilersaarutit malillugit oqaluttuarisaanermut ilannguttussaagaluarpoq, tamannalu pisinnaajunnaarmat Kangiata Qimussuanit uggorineqarpoq.
- Soorunami tamanna tunumiuulluni uggornarpoq. Pilersaarut ukiorpassuarni ingerlanneqartoq, ajoraluartumik pisussamut peqataasinnaajunnaarpugut.
Kalaallit Nunaanni qimussertartut kattuffianni tassa KNQK-mi siulersuisuni ilaasortaq, Kangiatalu Qimussersuani siulittaasoq, Niels Ole Utuaq, taama oqarpoq.
AAMMA ATUARUK Tunumiut Avannaata Qimussersuini peqataassanngillat
Kalaallit Nunaanni qimussertartut kattuffianni tassa KNQK-mi siulersuisuni ilaasortaq, Kangiatalu Qimussersuani siulittaasoq, Niels Ole Utuaq, oqarpoq.
Tunumi qimminut akiuussutissanik tikittoqartaraluartoq, qimminullu tamanut naammaqqajanngitsut nassiunneqartartut, siulittaasoq oqaluttuarpoq.
Taamaammallu Tasiilap eqqaaneersut qimmeqarnermut inatsit naapertorlugu naammassinnittumik suli akiuussutissalersorneqarsimanngillat.
Kommunimiillu akiuussusersuineq aallunneqarnerusinnaagaluartoq Niels Ole isumaqarpoq.
- Avannaata qimussersuinut peqataanissarput pileraarutaalermalli, suleqataasut ilaasa qimmilerisunik noqqaassuteqarsimagaluarpoq, pisussaq tikitsinnagu qimmit tamarmik piaarnerpaamik kapitinneqarnsisaat. Kisiannili tamanna pisinnaasimanngilaq, naluarpullu sooq pisinnaasimannginnersoq.
Aappagu unammiartornissartik anguniarniaraat
Taamaammallu aappaagu unammersuartoqarnissaanut peqataanissartik anguniarlugu Kangiata qimussersua iliuuseqarniarlersaarluni oqarpoq.
- Iliuusissagut aallartereerpagut, uninngatiinnanngilagut. Taamatut pisoqaqqinnginnissaa anguniarparput. Taamaammat uagut peqatigiiffitsinninngaaniit suleqataasariaqarpugut, qimmit akiuussusersorneqarnissaat qimmilerisunut annertunerusumik noqqaassutigisariaqalerparput.
Kommuneqarfik Sermersuup aaqqissuussaanik unammersuarnissaagaluaq tassunga taarsiullugu Kangiata Qimussersua Kulusmmi martsip 20-ani ingerlanneqassaaq.
Meeqqallu martsip 22-ani unammersuassallutik.
AAMMA ATUARUK Avannaata Qimussersui kommunekkaartumik unamminernik taarserallarput