Kangiani qiterlermi eqqissinissaq pillugu ataatsimeersuarnissaq

Eqqissinissaq anguniarlugu ataatsimeersuarnissaq Annapolis, Marylandimi marlunngorpat pissaaq. Syriamiut nunanut allanut ministeriata tullersortaa Fayssal al-Mekdad peqataassaaq, taamak nalunaaruteqarpoq Syriamiut pisortatigoortumik nutaarsiassaqartitsiviat SANA.

Ataatsimeersuarnermi Syriap Israelillu akornanni pissutsit eqqartorneqassapput, soorlu Golan-ip qattunertai, 1967-imi sorsunnermi Israelimit tigusarineqartut, Syriamillu uterteqquneqartut. Israeli Syrialu Golan-imi qattorngit pillugit ukiuni arfineq marlunni isumaqatiginniarsimanngillat.

Ataatsimeersuarneq kangiata qiterliup eqqissinissaa anguniarlugu amerikamiut præsidentiata George Walker Bush-ip iliuuseraa siulleq. Ataatsimeersuarnerup siunertaraa Palæstinamiut namminerisaminnik naalagaaffeqalernissaanik pilersitsinissap aallartisarnissaa.

Apeqqutaalerpoq Saudi-Arabia ataatsimeersuarnermi peqataassanersoq.