Kangiani Qiterlermi eqqisseqatigiinnissaq ataatsimeersuassutigaat
USA-mi illoqarfimmi sinerissamiittumi Annapolis-imi illoqarfiit pingaarnersaanit Washingtonimit 50 kilometerinik kangisinnerusumiittumi nunat suliniaqatigiiffiillu 50-init amerlanerusut peqataaffigisaanik katersuunnermi tamanna pivoq.
Kangiani Qiterlermi 2008-p ingerlanerani naalagaaffiit marlunngornissaat anguniagaavoq. Ataatsimiiffissamut suli ingittoqanngitsorluunniit ajornartorsiortoqalereerpoq. Tassami palastinamiut naalagaaffiat eqqissisimaffiusoq Israelimillu akuerisaasoq pilersinneqassappat, assigiinngitsunik isumallit isumaqatigiissutigigallagaat piuminaatsut piviusunngortinneqaqqaartariaqassapput.
Syriap Golanip qaqqai Israelip tigusarisimasai utertikkusuppai, soorluttaaq nunat arabiamiut Kangiani Qiterlermi eqqissineqarnissaanut atatillugu Israelip arabiamiut nunaannit tigusarisimasaminit aninissaa kissaatigigaat.
Annapolis-imi Kangiani Qiterlermi eqqisseqatigiinnissaq ataatsimeersuarneq akerliuffigalugu ullumi Palæstinamiut akerliussutsimik takutitsillutik aallartereerput.
Gazami akerliussutsimik taskutitsisut suaartarnerat suneqanngilaq, Vestbreddenimili akerliussutsimik takutitsisut unatarneqarput.
