Kangiani immap naqqa sajorujussuarpoq

Ukiut marluk matuma siornagut decembarip 26-anni malerujussuaq kangiani Asiami nunanut assigiinngitsunut qaallarmat inuppassuit 230.000-init amerlanerusut ajunaarput, tamannalu pillugu eqqugaasunut ajunaartunullu ippassarli ullumi ullunilu aggersuni eqqaaniaasoqarpoq eqqaaniaasoqassallunilu.

Eqqaaniaanerpassuit pinerisa nalerpiaanni ulloq mannarpiaq nalunaarutigineqarpoq, Taiwanip kujataani immaq naqqa sajorujussuartoq, richterip nunanut sajuttumut uuttortaataa malillugu 7,2 sakkortussuseqartumik.

Kangiani immap naqqata sajuffiusimasup eqqaani ulloq mannarpiaq tupinnaannartumik sajorussuarnerup kingunerisaanik malerujussuarmik pilersoqarnissaa ernummatigineqarmat aarlerisaarisoqarpoq.

Oqaatigineqarpoq malik meterisut portutigisisoq sajunnermit pilersinneqarsimasoq, malillu taamaattoq ingerlaarnermini alliartorsinnaavoq naggataagullu malerujussuanngorluni, allaat ajunaarnersuarmik kinguneqartitsisinnaasoq.

Taiwan-imi immap naqqata sajorujussuarnera nunani annaasaqaataasimanngitsoq nalunaarutigineqarpoq.