Kangia Racemi pingajussaannik ajugaavoq

Ilulissani arpattartut 71-it Ilulissat timaanni kilomerit 50-it sinnerlugit ulluni kingullerni pingasuni oqilanniuupput, aqqutaani tupermi sinittarniarlutik, sermikkut qaqqatigullu arpattarniarlutik, soorlu aamma kuuppassuit ikaartarlugit arparsimasut.

Oqilanniuuttullu ullumi tikerarput, oqilanerit nalunaaqqutap akunneri tallimat sinnilaaginnarlugit arpassimallugit.

Angutini iligilluni arpannermi Pilu Sportimik taasut ajugaapput, tassaallutik Frederik Petersen aamma Michael Clasen. Taakku nalunaaquttap akunneri katillugit 5-it minutsillu 34-it arpassimavaat. Frederik Petersen Kangia Racemik pingajussaannik ajugaavoq.

Arnani Team Twenty ajugaavoq, tassaallutik Rigmor Villadsen aamma Else Hansen. Arpassimallutik nalunaaquttap akunnerini 7-ni minutsillu 10-it.

Arnat angutillu iligiiarlutik arpanneranni Team butik 56 ajugaavoq, arpattuullutik Laali Berthelsen aamma Finn Jensen. Nalunaaquttap akunnerini 7-ni minutsinilu 36-ni arpassimapput.