Kangia-Kitaani qinerneqarnerpaat pingajuat

Kangia-Kitaani kommuunimut qinersinermi Demokraatit 2.525-nik qinerneqarlutik qinerneqarnerpaat pingajoraat.
apriilip 09-at 2008 10:33

Demokraatit qinersisartui nuna tamakkerlugu ikileriarput. Taamaakkaluartoq Kangia-Kitaani borgmesterinngortitsissaguni partiimik allamik isumaqatigiinniartariaqassasoq, partiip siulittaasua Per Berthelsen oqarpoq.

- Qinersisartutta soorunami qularnanngitsumik pingaartissagaluarpaat borgmesterinngortitsinissamut inissinnissaq, kisianni aamma kisitsisit takusariaqarpagut, taakkua aallaavigalugit eqaatsumik angusaqarfiuniartussamik isumaqatiginninniassaagut, tassani periarfissat suulluunniit mattunnagit kisiannili allanngortinneqarsinnaanngitsumik piumasaqaatitalernagit, Per Berthelsen taama oqarpoq.