Kangersuatsiarmiut oqarasuaatikkut siunnersorneqassapput

Upernaviup nunaqarfiisa ilaanni Kangersuatsiami arnap 26-nik ukiullip paniatalu arfinilinnik ukiullip toqutaanerannit ullut sisamat qaangiuttullu, Kommuni Ilaqutariinnermut Pisortaqarfimmut ajornartorsiulivinnermi ikioqquvoq.

Qanorpiaq pisoqarsimaneranik paasiniaasoqaraluartoq kommunimit ilisimaneqarpoq suliassaq imaannaanngitsuusoq. Ilaqutariinnermut pisortaqarfimmi pisortaagallartoq Søren Rendal oqarpoq massakkuugallartoq telefonikkut siunnersuinissaq ikiorsiissutigineqarsinnaasoq.

- Massakkorpiaq paasiniarneqarpoq susoqarpiarsimanersoq . Attaveqarfissanik sianerfissanillu pilersitsiortorpugut. Taava ikiuiartorallartut iliuusissaannik siunnersorneqarsinnaapput.

Søren Rendal oqarpoq qanorpiaq pisariaqartitsisoqarnersoq paasineqavissimatinnagu telefonikkut siunnersuineq atuukkallassasoq.

Taanna aperineqarami allatut iliuuseqapallassinnaanngikkaluarnersut ima akivoq:

- Taamaalluarsinnaavoq, kisianni kommunimit saaffigineqartinnata iliuuserisinnaasavut killeqarput. Taakku ullumi saaffiginnissuteqarput. Sapaatip akunnerata naanerani qanoq pisoqarnersoq telefonikkut allakkasuartaatikkullu malittaraarput. Erseqqissartariaqarporli pisariaqarpat sulisunik aallartitsissagatta, akisussaaffiup kommunimiinnera aallaqqaammut eqqaamasariaqarmat.

Søren Rendal oqarpoq ikiorneqarnissaq allatigut pisariaqarpat ikiuussinnaallutillu ikiuuttariaqassallutik.

- Maannakkorpiaq taamaallaat ilisimatitsissutaasimavoq qanoq pisoqarsimanersoq ikiorserneqarnissamillu qanorpiaq pisariaqartitsisoqarnersoq suli ilisimatitsissutigineqarsimanani, Ilaqutariinnermut Pisortaqarfimmi pisortaagallartoq Søren Rendal Andreas Lindgvistimit apersorneqarluni taama oqarpoq.

Pisortaqarfiup telefonikkut siunnersuisarfia Upernavimmi isumaginninnermut allaffimmi napparsimavimmilu sulisunut naatsorsuussaavoq. Nunaqarfimmi innuttaasut siunnersortikkusuttut taakkununnga attaveqarsinnaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat