Nuup Ilulissallu mittarfii tallineqarpata, Kangerlussuakkoorluni angallanneq annikillissaaq. Taamakkaluartoq Angallannermut Naalakkersuisup, Jens Napaattuup ilimaginngilaa Sisimiuniit Kangerlusssuup tungaanut aqqusinniornissaq taamaatiinnarneqassasoq.
- Inuussutissarsiutitigut takornariaqarnikkullu ineriartortitsisinnaanermut periarfissat amerlaqaat, Jens Napaattooq oqarpoq.
Naalakkersuisooqatigiit isumaqatigiissutaanni suliassat tulleriiaarneqarnerini Sisimiuniit Kangerlussuup tungaanut aqqusinniornissaq inissisimanngilaq, kisiannili Jens Napaattuup tupiginngilaa Sisimiormiut aqqusinniornissamut siunnerfeqarnerat: - Tupiginngilara Sisimiormiut maannakkut upperigamikku Kangerlussuup periarfissai ima annertutigimmata, aqqusinniorsinnaaneq allaat siunnerfigigamikku, Jens Napaattooq oqarpoq.
Naalakkersuisoq Sisimiunilu borgmesteri Hermann Berthelsen pilersaarutit pillugit Kangerlussuarmi innuttaasut unnugu ataatsimeeqatigissavaat.
