Kangerlussuarmit Qeqertarsuatsiaanut nipisanniarneq unereerpoq
Aalisarnermut, Piniarnermut Nunalerinermullu Naalakkersuisoqarfiup tallimanngormat maajip 27-ani nalunaarutigaa sumiiffinni 1D-mi aamma 1C-mi nipisannik tunisineq unittoq.
Allattoq Simon Uldum -
Nipisanniarfik pineqartoq tassaavoq, avannaanit allorniusaq 66°15’N, Kangerlussuup paavanit, kujataanut allorniusaq 62°30’N, Qeqertarsuatsiaat kujatinnguannut, sumiiffiup kangerlui ilanngullugit nipisanniarfigineqartut.
Pilersaarutit naapertorlugit sumiiffinni tunisineq kingulleq ullumi tallimanngornermi maajip 27-ani pivoq, qassutillu nipisanniutit ulloq taanna aamma qaqereerneqarsimassapput.
Najoqqutarisaq: Aalisarnermut, Piniarnermut Nunalerinermullu Naalakkersuisoqarfik