Kangerlussuarmiiginnarnissamik kissaateqarneq nuannaarutigineqartoq
- Kangerlussuarmiiginnarnissamik kissaateqarneq nuannaarutigaarput, Kangerlussuup attatiinnarneqarnissaa periarfissaqartoq paasineqalermat, Kangerlussuullu silagittarnera peqqutigalugu attatiinnarniarneqarmat nuannaarutigisorujussuuvarput, nunaqarfimmi aqutsisuni siulittaasoq, Knud Olsen oqarpoq nangillunilu:
Illersornissaqarfiup taamatut nalunaaruteqarnera innuttaasunit qanoq qisuariarfigineqarnersoq massakkut oqaatigiuminaappoq, kisianni eqqoriarsinnaavara tulluusimaarutigissagaat, taamatummi tusarliussisoqarnera nuannaarutiginartorujussuuvoq, Knud Olsen oqarpoq.
Kangerlussuarmi suliffissat ikilissagunaraluartut suliffissat qulakkeerneqarsinnaasorineqarput.
- Naalakkersuisuninngaannit akuerineqarnissaa qanoq isikkoqassanersoq apeqqutaavoq, taamaattoq Kangerlussuarmiiginnarnissamik kissaateqarneq borgmesterimit nuannaarutigineqarpoq, taamatullu nalunaaruteqarneq nunaqarfimmi aqutsisuni siulittaasutut innuttaasutullu nuannaarutigeqaara, Knud Olsen oqarpoq.
