Kangerlussuarmi toqutsisoqarneranut atatillugu inerniliisoqartoq

Qeqqata politiivi, Nuummilu politiit, toqusoqarsimatillugulu misissuisartut Retsmedicinsk Institutimeersut kiisalu Kriminalteknologisk Centerimeersut suleqatigiillutik Kangerlussuarmi angutinik marlunnik, tassa 29-nik ukiulimmik, 33-nillu ukiulimmik, sapaatip-akunnerata siuliani toqutsisoqarneranut atatillugu misissuinertik naammassivaat, inernerillu siulliit saqqummiunneqarput.
Allattoq Karsten Sommer
apriilip 10-at 2015 05:52
Nutserisoq Mads Lynge

Inissiaqarfimmi Rustenborgimi toqutsisoqarpoq, soorlu aamma arnaq 34-nik ukiulik ikilerneqangaatsiartoq, persuttarneqarujussuartorlu.

33-nik ukiullip 29-nik ukiulik ataasiarlugu aallaasimagaa, misissuinerni inernerit siulliit takutippaat. Angut 29-nik ukiulik taanna aallaaneqarnermini ingerlaannartumik toquvoq.

33-nik ukiullip arnaq 34-nik ukiulik persuttarujussuarsimagaa, kingornalu imminorsimasoq, misissuinermi inernerit siulliit aamma takutippaat.

AAMMA ATUARUK Toqusoqarsimatillugu misissuisartut Kangerlussuarmi toqutsisoqarneranut tunngasut misissuiffigaat

Pisunut takunnissimasunik tusaasaqarsimasunilluunniit politiit paasiniaanerminnut atatillugu killisiuipput, paasinarsivorlu alianaqisumik pisut pinngitsiarneranni ernguttoqarsimasoq, tassungalu atatillugu aaqqiagiinngittoqalersimasoq.

Arnaq 34-nik ukiulik Københavnimi napparsimmavissuarmi Rigshospitalimi peruluttut inissinneqartarfianni maanna uninngatinneqarpoq, sulilu peruluttoq aamma nalunaarutigineqarluni.

AAMMA ATUARUK Angutit marluk toqutaasimasut Kangerlussuarmi nassaarineqarput

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq