Kangerlussuarmi 3 G atulerpoq
Mobil atorlugu internetimut attaveqaat Kangerlussuarmi atulerpoq illoqarfiillu allat ukiortaap kingorna attavilerneqassapput.
Allattoq Noah Mølgaard
Tele Kangerlussuarmi nassitsissummik ikkussivoq mobil atorlugu internetikkut attavinnut atortumik. Taamaasillutik 3 G-mik taaneqartartumik atuisut nunaqarfimmi mittarfeqarfiusumik internetimut sukkasuumut attaveqarsinnaanngorput.
Tele Greenland A/S nalunaarpoq 3 G-mik Nuummi atuisut atuisutut normortik taanna Kangerlussuarmi aamma atorsinnaagaat.
Mobil atorlugu internetimut attavinnut nassitsissutit illoqarfinni allani ukiortaap kingorna ikkussuunneqassapput taamaasillutik Sisimiut, Ilulissat aamma Qaqortoq attavilerneqassapput.