Isumaqatigiissut Kangerlussuup ataannarnissaannik qulakkerinninniarnermi ilaasoq ullumi atsiorneassaaq Assi: KNR

Kangerlussuaq pillugu tunngaviusumik isumaqatigiissut: Kangerlussuarmi mittarfiup iluarsaannissaa Illersornissaqarfiup akilissavaa

Illersornissaqarfik Kangerlussiarmiisitsiinnassaaq. Tamanna tungavisumik isumaqatigiissummi ullumi atsiugaasussami ilaavoq.

Illersornissaqarfik Kangerlussuarmiisitsiinnarsinnaasssaaq, tassanilu mittarfik atorsinnaaginnassallugu, taavalu mittarfik sakkutuujunngitsunit atorneqaannarsinnaassaaq.

Kangerlussuup mittarfittaata iluatrsaannissaa, ingerlannera aserfallatsaaliorneralu Illersornissaqarfiup aningaasalersussavaa, nunanut allæanut tunngasunut naalakkersuisoq oqarpoq. 

Illersornernisamulli naalakkersuisoq taama ersaritsigisumik oqanngilaq. 

- Aningaasaqarnera misissoqqissaarneqassaq. Illersornissaqarfiup Kangerlussuarmik atuiinnarnisssaani aningfaasaetuutitaqassaaq. Assersuutigalugu mittarfittaata iluarsaannissaani, Trine Bramsen Ritzauimut oqarpoq erseqqissaallunilu.

- Soorunami tamatumunnga aningaasartuuteqassaaq aamma qallunaanut, mittarfik atorusukkatsigu.

Tamanna Namminersorlutik Oqartussani tusagassiortunut sassanermi erserpoq. Attaveqaqatigiinermut naalakkersuisup Karl Frederik Danielsenip (S), nunanut allanut tunngasunut naalakkersuisup Ane Lone Baggerip (S) aamma illersornissamut ministerip Trine Bramsenip (Socialdemokratiet) tassani tunngaviusumik isumaqatigiissut,  nunatsinni mittarfiit nutaat 2023-mi atulereerneranni Illersornissaqarfiup Kangerlussuamik atuiinnarnissaanut tunngasoq, atsiorppaat.

- Tamanut iluaqusaasusssamik aaqqissuteqarsinnaagatta nuannaaarutigaara. Aamma mittarfiup siunissaa Kagerlussuarmiunut nalorninaannerulermat nuannaarutigaara, Karl Frederik Danielsen oqarpoq.

AAMMA ATUARUK Danskit naalakkersuisuisa Kangerlussuaq ammatiinnarusuppaat

Trine Bramsen Danmarkimiit Skype-kkut attaveqarluni peqataasoq ima oqarpoq: 

- Illersornissaqarfipput tamatta toqqissisimaqqulluta naalagaaffeqatigiiffimmi tamarmik pingaarutilimmik suliaqarpoq. Taamaammat Illersornissaqarfiup Kalaallit Nunaanni taassumalu eqqaani suliassaminik naammassinnittuarsinaaneranut iluaqutaasumik Namminersorlutik Oqartusallu isumaqatigiissinnaagattanuannaarpunga. aalajangiineq tamanna pingaartuuvoq uaugullu Issittumi suliatsinni pingaartitsinitsinnik erseqqissaavoq.

Naalakkersuisut qallunaallu nalakkersuisui tamanna tunuliaqutigalugu isumaqatigiipput, Illersornissaqarfik Kangerlussuarmiititsiiinnarsinaassasoq, tassanilu mittarfik atorsinaallugu, aamma mittarfik sakkutuujunngitsunit nalinginnaasumik piumasaqaatitalimmik atorneqaannasinnaassasoq. aammattaaq isumaqatigiissutaavoq, kalaallit mittarfimmik piginnittuunerat allanngusanngitsoq, taaavalu mittarfiup illersonissaqarfimmit qanoq atorneqarnissaaanut ilusilersuinssamik suliaq aallartinneqassasoq.

Kalaallit qallunaallu politikerii tunngaviusumik isumaqatigiissuteqarpata, suleqatissiitat Illersornisaqarfimmeersunik taavalu kommuniniit ilaasortaqartut sulinissaannut tunngavissat inississapput.

Kangerlussuup mittarfittut siunissaata qulakkeerniarneranik suliaq taamaalilluni nikeriaqqippoq.

Tunngaviusumik isumqatigiissut uani atuarsinnaavat:

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat