Kangerlussuaq niuernikkut periarfissaqalerpoq

Atortussiarineqarsinnaasumik

Kangerlussuarmi marraqangaarami Silt-eqarlunilu Danmarkimi teknikkeqarnermi Ilisimatusarfissuup, DTU-p, naatsorsorsimavaa qaliqutassiorfiit Danmarkimiittut tamarmik ukiuni 16-ini

Kangerlussuarmeersunik pilersorneqarsinnaasut.

Taama oqarpoq professor Arne Willumsen, marrarmik atortussiarineqarsinnaasumik ilinniartuutini arlaqartut ilagalugit siorna nassaartoq.

Arne Willumsen inuussutissarsiornermut tunngasunik Kangerlussuarmi isumasioqatigiinnissami, aggustusip 22-ani aallartittussami, peqataassaaq. Misileraasimanermilu inernerit tamaani saqqummiutissavai.

Arne Willumsen isumaqarnerarpoq, marraq silt-ilu atortussiatut niuerutigineqarnissamut tunngavissaqarluartut, assersuutigalugu kiffiutissatut atortussiarineqarnermik saniatigut , nunani issittuni aqqusinniornermi atorneqarsinnaapput. Kiisalu qarmasissialiarineqarsinnaapput aammalu marrianik tunisassianut atortussiarineqarsinnaallutik.

Arne Willumsen, -ip upperinerarpaa atortussianik nutaanik Kalaallit Nunaanni aallartitsisoqaraluttualersoq.