Kangerlunni silassaq

Kalaallit Nunaanni Kangerlunni angalasartut aappaagumiit silassamik nalunaarutinik pisalernissartik naatsorsuutigisinnaalissavaat.

Kalaallit Nunaanni kangerlunni silaannaap pissusaa sukumiinerusumik misissorneqartalernissaa aningaasaliiffigineqalerpoq.

Washington-mi USA-p Danmarkip Kalaallillu nunaata ataatsimeeqatigiinneranni, ilisimatusarnissaq pillugu suleqatigiittoqarnissaa isumaqatigiissutigineqarpoq.

USA-mi ilisimatusarneq pillugu aningaasaateqarfik National Science Foundation, Nunatsinni kangerlunni silaannaap qanoq innera ineriartorneralu, aammalu nunatta qulaani ozonlagip qanoq innera annertunerusumik paasissutissartaqartikkumallugit, DMI suleqatigalugu misissuisoqarnialerpoq.

USA-p Kalaallillu Nunaata akornanni suleqatigiinnerulernissaq ukioq kingulleq Igalikumi atsiorneqarpoq, atsioqatigiinnerlu pimmat, USA-p Pituffimmik killeqanngitsumik atuisinnaanera aamma atsiorneqarpoq. Suleqatigiinnerunissarlu maannakkut Kangerlunnut angalasartunut malunniuteqarnialerpoq.