Kangerlummi imeq saffiugassanik akoqartoq
Kangerlummi innuttaasut imermik iminnginnissaannik pinngortitamut avatangiisinullu naalakkersuisoqarfimmit aamma nunatta nakorsaaneranit inanneqarput.
Namminersorlutik Oqartussat tusagassiorfinnut taama nalunaarput.
Kangerlummimi imeq saffiugassanik aluminiumimik, saviminissamik manganimillu akongaatsiartoq paasineqarpoq.
Erngulli imernissaa naviananngimmat, imermik imersimasut ernumasariaqanngillat. Nunatta nakorsaanera taama naliliivoq. Saffiugassanilli piffissami sivisuumi iioraaneq navianartorsiortitsilersinnaasoq, tusagassiorfinnut nalunaarutaanni allassimavoq.
Pissutsinik iluarsiinissaq imermillu pilersuinermi periarfissanik allanik qulakkeerinissaq Nukissiorfinnit sulissutigineqarpoq.
Erngup imerneqanngissaata saniatigut siunertanut allanut tamanut, soorlu errortornermut, errorsinermut, erruinermut, uffarnermut eqqiaanermullu atorneqarsinnaasoq, Namminersorlutik Oqartussat allapput.
