Kangaatsiap nunaqarfiini inuusuttuaqqat atuarnissaat akissaqartinneqanngilaq

Kangaatsiap Kommuneani inuusuttuaqqat nunaqarfimmiut qulit 10. 11.klassimi atuarusukkaluarlutik atuarsinnaanngillat atuarnissaat aningaasassaqartinneqanngimmat.

Kangaatsiap kommuneani nunaqarfimmiut inuusuttuaqqat qulit augustusimi ukioq atuarfiusoq aallartimmat illoqarfinnut Sisimiunut Aasiamnnut Qasigiannguanut imaluunniit Kangaatsiami kollegiani najugaqarlutik atualernissartik naatsorsuutigisimagaluarpaat. Kiasiannili atuaqqinniartut naatsorsuutigisamiit amerlanerummata atuartut qulit atualinngitsoorput:

Kangaatsiap atuarfiani pisortaq Luis Petersen pisoq pillugu ima nassuiaavoq.

- Nunaqarfimmiut illoqarfinni atualersussat 46-it kollegiani ineqartinnissaannut naatsorsuutigalugit angingaasanik immikkoortitsisoqarsimavoq. Missingersuutit naammassereersut aatsaat paasinarsisimavoq nunaqarfimmiut atuarnissaminnuk kissaateqartut 62-iusut.

Kangaatsiap Kommuneani atuartut inissaqartinneqarnissaat akissaqartinneqanngimmat Kommunini piorsarsimassutsimut ataatsimmiitsitaliaq aammalumi Borgmesteri Atuartitaanermut pisortaqarfimmut KIIIp-imut saaffiginissutit ulloq manna tikillugu akissuteqarfigineqarsimanngillat.

- Maani piorsarsimasutsimut ataatsimiititaliaq, aammalumi borgmesteri KIIIP-imut saaffiginnissuteqartarsimavugut inuusuttut atuarsinnaanerinut aningaasalissuuteqarfigineqarsinnaanerinut ikiorserneqarsinnaanissatsinnik periarfissiissutaasinnaasunik ujartuilluta kangaatsiap Kommunea akissaqanngimmat, Luis Petersen oqarpoq.

Niaqornaarsummiu Juaannguaq Steenholdt 15.inik ukioqartup atuaqqikkususukkaluartut ilagaat. Juaannguaq neruiteqarpoq atualeqqinnissaminut periarfissinneqassalluni:

-Nuanneeqaaq atuarsrsukkaluarluni atuarsinnaanani. Neriorsorneqarnikuugaluarpugut nalunaarfigineqassalluta, kisiannili suli qaqagu atuaqqilersinnaanissannik nalunaarutisinissannik suli utaqqivunga, oqarpoq Juaannguaq Steenholdt.

Atuartut inissaasa pisariaqartinneqarneri maluginiarneqarsimasoq Kultureqarnermut Ilinniartitaanermullu pisortaqarfimmi immikkoortortaqarfimmi pisortaq Claus Espersen oqarpoq.

Kommunit nammineerlutik pisortaqarfiup tusarniaanerani akissutigisartagaat tunngavigalugit pisortaqarfik nalilersuisartoq nalunaarutigineqarpoq.

Tusarniaaneq kingulleq januaarip qaammataani pivoq Kangaatsiamiilli akissutisisimanatik pisortaqarfik nalunaarpoq.

Claus Espersenilli nalunaarutigaa massakkorpiaq aamma tusarniaasoqartoq kommunillu tamarmik akereeriarpata Nunatsinni atuartut inissaannik qanoq amerlatigisunik pisariaqartitsisoqarnersoq pisortaqarfik nalileeqqikkumaartoq.

Pisariaqartitsinerlu naapertorlugu kommunit ataasiakkaat aningaasaliiffigineqartarput.