Kangaatsiap eqqaani tunitsiviliisoqassanngilaq

Naalakkersuisut Kangaatsiap eqqaani umiarsuarmik tunitsiviilinissamut pilersaaruteqanngillat. Tamanna Naalakkersuisunut ilaasortap, Finn Karlsenip (S), Hans Aronsenip (IA) § 37 najoqqutaralugu apeqquteqataanut akissutaani atuarneqarsinnaavoq.
juulip 09-at 2014 12:03

Kisianni umiarsuarmik tunitsivileerusulluni qinnuteqartoqarpat, qinnuteqaat umiarsuarnik tunitsiviliisarnermi periutsit naapertorlugit suliarineqarumaartoq Naalakkersuisut ilisimatitsipput.

Finn Karlsenip Hans Aronsenimut akissummini ilanngullugu oqaluttuaraa Angutip Ittup juunip 16-ani ikkarlisaareerluni unitsikkallarnerata kingorna Kangaatsiap eqqaani nassiussanik assartuineq eqqorneqarsimasoq.

Royal Greenlandip qerititsiviutiminik ilasilersoq

Taassuma saniatigut Finn Karlsenip ilisimatitsissutigaa Royal Greenlandi Kangaatsiami qerititsivini ilaniarlugit containerinik marlunnik pisisimasoq, taakkualu tikiunneqarsimaleriarpata atorneqalerniartut. Taakkua saniatigut Attumi tunitsivik Royal Greenlandimit ullut 14-it missaat qaangiuppata atulerniarneqarpoq. Aammalu Ikerasaarsummi Ikamiunilu tunitsiveqarnikkut periarfissat Royal Greenlandimit misissorneqartut Hans Aronsenip §37 najoqqutaralugu apeqqutaanut akissummi atuarneqarsinnaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq