Kangaatsiamiuaqqat inissaarussimasut Kangaatsiamut uterput
Kangaatsiap kommuneani inuusuttuaqqat anginerni atualersussat illoqarfinni assigiinngitsuni inissaarutsinneqarsimagaluartut, ullumikkut Kangaatsiamut tikissapput atuariartorlutik. Taama nalunaarpoq Kangaatsiap kommuneqani borgmesteriugallartoq Ole Abrahamsen.
Inuusuttuaqqat angerlarsimaffissaannik Kangaatsiap kommunea nassaarallarsimavoq, ukiumilu atuarfiusussami utaqqiisaagallartumik ineqartinneqassapput.
- Ajuusaarnarpoq atuartut taamak kingusitsigisukkut atualernissaat, nuannaarutigaarpulli atuarnertik ingerlateqqissinnaalermassuk, Ole Abrahamsen oqarpoq.
Atuartut 10. klassimi atualersussat arfinillit Kangaatsiamut tikittussat, Kangaatsiap kommuneanut inummut ataatsimut 65.000 koruuninik immikkut aningaasartuuteqartitsissapput. Nalinginnaasumik namminersornerullutik oqartussat aningaasartuutinut akiliisaraluarput, Kangaatsialli kommuneata kingusinaarluni atuartut amerlanerusut atuaqqikkusuttut paasisimammassuk Kangaatsiap nammineerluni aningaasartuuteqarnissaa pisariaqarlersimavoq.
