Kangaatsiami suliffissuaq amerlanerusunik suliffissaqartitsilersoq

Royal Greenland Kangaatsiami suliffissuarmini annertusaavoq. Saarulliit nerpiinik tunisassiorneq aallartinneqaqqammerpoq, annertunerusumillu tunisassiortoqalernerata saniatigut maannakkut sulisorineqartut 15-iusut 55-inngortinneqassapput.
Assi © : RG
maajip 29-at 2015 09:59
Nutserisoq Simon Uldum -

Saarulliit nerpiinik tunisassiornermi atortut Kangaatsiami ippassaq pingasunngornermi atuutilerput, qerinasuartitsivillu qaammatip naanerani ikkussuunneqareeriarpat tunisassiorfik siunissami 55-inik sulisoqarsinnaalissaaq.

Royal Greenland aamma Paamiuni Maniitsumilu saarulliit nerpiinik tunisassiorfeqarpoq, Sisimiunilu taamatut tunisassioriaaseq ukiormanna juulimi aamma aallartinneqassalluni.

 

Qerinasuartitsitsivik nutaaq atorneqalissaaq

Kangaatsiap tunisassiorfiani qerinasuartitsivik nutaaq aalisakkanik angisuunik, soorlu qeeqqanik allanillu qerinasuartitsisartussaq atuutilerpat tunisassiorfimmi tunisassiorneq suli sukataartitsinerulissaaq.

- Kangaatsiami umiatsiaararsortut 60-t tungaannut amerlassusillit tunisassiorfimmut tulaassuisartuupput. Amerlanerit nipisat suaannik tulaassuipput, suaallu juunip naalernerani tunisaajunnaarnissaasa tungaannut ingerlassallutik. Umiatsiaararsortut pingasuinnaagallartut maannamut saarullinnik tunisassiorfimmut tulaassuisuupput, Royal Greenland nittartakkamini taama allappoq.