Kangaamiut 250-liivoq

Maniitsup kommuniani nunaqarfik Kangaamiut ukiunik 250-iliivoq, nalliuttorsiorneq pisortatigoortumik ippassaq ammarneqarluni.

Ippassarli erinarsoqatigiittoqarpoq, qaannamik takutitsisoqarluni, kalattoortoqarluni saqqummersitsisoqarluni, kalaallisoorinneqqusaattoqarlunilu. Nalliuttorsiorneq ullumikkut aamma nanginneqarpoq, ilaatigut aappariit ukiunik 50-ini katiffissiornerat meeraasalu aamma ukiuni 25-ini katiffissiornerat nalliuttsorsiornermut alutornaqutaallutik.

Nunarfik erinarsornikkut immikkut tusaamasaasoq unnia inuppassuarnit tikeraarneqartoq.

Efraim Olsen nunaqarfimmi aqutsisut siulittaasuta oqarpoq nalliuttorsiornermi matumani Kangaamiut kulturikkut eriagisassanik qangaaniilli tammatsaaleeqataanera immikkut maluginigassaasoq. Kinguaat kulturikkut kingornussanik ingerlatitseqqiinerat immikkut maluginiagassaalluni.

Kangaamiuni inuussutissarsiornikkut ukiuni kingulliunerusni ineriartortoqarpoq, tassa takornariaqarnikkut. Timmisartumik qaqqat qaanukaatseriarluni ammut sisorartarnermik ingerlatsineq ineriartortinneqarpoq, Efraim Olsen-ilu unnersiorpoq Heliskiinngeriartartut unnia amerliartortut.

Kangaamiuni nalliuttorsiorneq aamma nersornaasiinernik imaqartoq nangillugu unnumanna unnussiuaartitsisoqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat