Kangaamiuni qineqqusaarluavipput

Nunaqarfinni aqutsisunik qinersinissamut atatillugu, Kangaamiuni innuttaasut 70-it sinneqartut Katersortarfimmi qineqqusaartunut ippassaq apeqqarissaarput.

Atassut aamma Siumut tunuliaqutaralugit qineqqusaartut katillutik arfiniliusut Kangaamiuni aqquserngit asfalterneqanngitsut suliniutigineqarnissaat, tummeqqat aserfallalersut nutaaliornikkut aaqqissuuneqarsinnaaneri, meeqqallu nunaqarfimmi amerliartoqqilersimasut paarineqartarnerinut tunngasut qineqqusaarutigineqarput.

Kangaamiuni suliffissaqarniarnikkut ineriartortitsisoqarnissaa illuatungeriit isumaqatigiillutik qineqqusaarutigigaluaraat qanoq iliorluni ineriartortitsisoqarsinnaanersoq assigiinngissutigaat.

Soorlu meeqqanik angerlarsimaffimmi paaqqinnissinnaanernut tunngasut qinersisartumit iliuuseqarfigeqquneqaraluarput, taannalu illuatungeriit assigiinnginnerinik ersersitsivoq.

Kangaamiuni illut angissusii inatsisitigut piumasaqaatinut naapertuutinngimmata angerlarsimaffimmi paaqqinnittarfiliorsinnaanermut naleqqutinngitsut, Siumup qineqqusaartuinit oqaatigineqarpoq, tamannalu Atassut sinnerlugu qineqqusaartut naleqqussaanissamik ujartuillutik oqaatigaat.

Nunaqarfinni aqutsisunut aqagu qinersisoqartussaavoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat