Kangaamiuni peqatigiiffik nutaaq pilersinneqarpoq

Kalaallit Nunaanni nunaqarfiit sullivinnit aningaasarsiorfinnillu nassaarniassapput, taama politikerit oqariartuuteqartuarput. Tamanna aallaavigalugu nunaqarfimmi Kangaamiuni maanna peqatigiiffimmik takornarialerisussanik pilersitsisoqarpoq.
Allattoq Apollo Jeremiassen
maajip 09-at 2010 13:15

Kangaamiuni Nunaqarfimmi Aqutsisut sapaatip akunnerani qaangiutilersumik nunaqqatitik ataatsimmeeqatiginerini eqqartorpaat peqatigiiffimmik takornarialerisussanik pilersitsisoqassasoq aammalu takornariaqarneq siuarsarneqassasoq, taamaaliornikkut siunissami takornariaqarneq aaqqissuulluakkamik ingerlanneqarsinnaanera naguniarlugu.

Qeqqata Kommuneqarfiani Inuussutissarsiornermut Siunnersuisoqatigiit taama allapput.

Peqatigiiffimmik pilersitsisoqassaaq maajip 26-ani. Ulloq taanna nallertinnagu peatigiiffik atserneqarumaartoq allaaserineqarpoq.

Peqatigiiffiup atissaanik maanna Kangaamiuni unamisitsineq aallartippoq, aammalu nunaqarfimmi innuttaasunut peqatigiiffissap maleruaqqusai agguaanneqarsimalerput, taamaaliornikkut pilersaarutip innuttanik eqqumaffigineqarnerunissaa anguniarlugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq