Kangaamiuni inuussutissarsiorneq ineriartortinneqassaaq
Nunatsinni Takornariaqarnermi Inuussutissarsiornermilu Siunnersuisoqatigiit Maniitsup Kommunia suleqatigalugu Kangaamiuni inuussutissarsiorneq pillugu ulluni marlunni isumasioqatigiissitsiniarput.
Allattoq Louise M. Kleemann
Nunaqarfimmi inuussutissarsiorneq siuarsarniarlugu ukiunut tallimanut iliuusissanik suliaqartoqarnissaa siunertarineqarpoq.
- Nunaqarfinni illoqarfinnisulli inuussutissarsiornermik ineriartortitsisoqarnissaa pingaaruteqartigisoraarput, tassa sumiiffinni ataasiakkaani aallartitsinissamik piumassuseqartoqarpat. Nalunngilarpullu Kangaamiuni iluatsilluartumik takornarianut sammisassaqartitsiniarnermik ingerlatsisoqareersoq, ilaatigut takornarianik qulimiguulimmik qaqqamukaasseriarluni sisorartitsisarnernik, Sara Heilmann Nunatsinni Takornariaqarnermi Inuussutissarsiornermilu Siunnersuisoqatigiinni siunnersorti oqarpoq.