Kangaamiuni atuarfik iluarsartuuttariaqaqaaq

Nunaqarfinni atuarfippassuit aserfallalluinnarsimapput iluarsartuuttariaqarlutik. Kangaamiuni atuarfiup pisortaata tullia Åge Lyberth isumaqarpoq atuarfik atuarfitsialaap anguniagagaanut naammasinnissinnaanngitsoq atuartitsiviusut annikippallaarmata.

- Atuarfitsialaap piumasaraa klassimi ataatsimi assigiinngitsorpassuarnik suliaqarsinnaanissaq, klssiminngaaniit nikinnikkaluarluni ilusilersuisoqasinnaassasoq, sanasoqarsinnaassasoq allanillu assassornissamut tunngasunik suliaqartoqarsinnaassasoq, Kangaamiunilu atuarfimmi klaaseværelsit tamakkununnga naleqqutinngilluinnarput, Åge Lyberth oqarpoq.

Kangaamiut atuarfiat 85-inik atuartoqartoq atuarfinnik iluarsartuussinissamut pilersaarut malillugu aatsaat 2010-mi allartinneqartussaavoq.

Åge Lyberth oqarpoq init atuartitsiviusut annikippaalaarneri pissutaallutik nuttaqattaartarnerit atuartitsinermut sunniuteqartartut.

Åge Lyberth isumaqarpoq nunaqarfinni atuarfiit iluarsartuuttariaqarnerat pissutigalugu atuarfitsialaap anguniagaanut naammassinnissinnaaneq periarfissakitsoq.

Nunaqarfinni atuarfinnut iluarsartuussinissamut pilersaarutit allanngortinneqartuartarput, assersuutigalugu Upernaviup Kommuniani Nutaarmiuni atuarfiup iluarsaartuunneqarnissaanut pilersaarut siorna 2004-mi aallartinneqartussaagaluartoq aningasaanut inatsisissaq malillugu aatsaat 20011–mi aallartinneqassaaq.

2006–mi aningaasanut inatsisissaq malillugu atuarfiit iluarsaanneqarnissaannut atuarfiliornernullu 60 millioni koruunit inmmikkoortinneqarsimapput.