Kangaamiuni Atammimmilu tunitsiviit suli matoqqapput
Namminersorlutik Oqartussat Royal Greenland A/S-illu decembarip 31-anni kiffartuussinissamut isumaqatigiissuteqaraluartut, Kangaamiuni Atammimmilu tunitsiviit isumaqatigiissummut ilaatinneqanngillat, tunitsiviit taakku marluk ataavartumik ammatinneqassanngillat.
Allattoq Bikki P. Kleist
Tunitsiviit taakku marluk nipisat suaannik tunisinerup nalaani, piffissallu avataani aningaasarsiornikkut imminnut napatissinnaanerat aallaavigalugu taamaallaat ammatinneqartassapput.
Tunitsiviit Arsummi, Qeqertarsuatsiaani, Ikerasaarsummi, Niaqornaarsummi Kangaatsiamilu kiffartuussinissamut isumaqatigiissusiorneqartut, Royal Greenland nalunaarpoq.
Kiffartuussinissamut isumaqatigiissut 10 millionit koruunit sinnilaarlugit aningaasartaqartoq, 2010 naallugu atuuttussaavoq.