Kangaamiormiut Nuummiunut ajugaapput
Angutit unammineranni KT-VIp Kangaamiuneersup aamma PVNip Nuummeersup unamminerat naligiiffioqaaq aatsaallu sæt tallimaanni ajugaasussarsisoqarluni, Kangaamiormiut ajugaammata. Sætini 3-2-mik ajugaapput 25-15, 22-25, 25-18, 23-25 aamma 15-13-mik.
Suli nalunarallarpoq kikkut volleyballimi GM-mi finalemut anngutissanersut. Angutini iligiit sisamat naligeeqalutik inissisimapput. Tassaapput KT-VI Kangaamiuniik, GSS Nuummiik, PVN Nuummiik aamma AVI Maniitsumiik. Iluliarmiut IVK unamminerni pingaarutilinni arlalinni ajorsareerlutik semifinalemut anngussinnaanerat qularnartorujussuanngorpoq.
Unamminerit aallarniutaasut naammassippata normu 1-nngortoq normu 4-sumut semifinalemi unammissaaq semifinalellu aappaani normu 2-usoq normu 3-usumut unammissalluni.
- Taamaattumik pingaaruteqartorujussuuvoq unamminerni aallarniutaasuni normu 1-nngornissaq, Aalipaaraq Kreuztmann AVI-meersoq KNR-TV-mut taama oqarpoq.
Unamminermilu pingaarutilimmi AVI KT-VI-mut ajugaavoq sætini 3-2-mik 25-20, 23-25, 25-20, 23-25 aamma 15-13-mik.
Arnani finalertussat tassaassagunavipput PVN aamma GSS Nuummeersut taakkulu imminnut ataasinngornermi unammimmata GSS sætini 3-1-mik ajugaavoq
Aajuku ataasinngornermi angusat:
Arnat | Angutit |
PVN - GSS 1-3 (15-25, 22-25, 25-21, 20-25 | KT-VI - AVI 2-3 (20-25, 25-23, 20-25, 25-23, 13-15 |
KT-VI - TVK 3-0 | IVK - PVN 0-3 (15-25, 24-26, 17-25) |
GSS - IVK 3-0 (25-17, 25-21, 25-17) | GSS - TVK 3-0 |
PVN - TVK 3-0 | IVK - GSS 0-3 (12-25, 20-25, 10-25) |
KT-VI - IVK 3-1 (25-21, 27-29, 25-16, 25-21) | AVI - TVK 3-0 |
Aajuku marlunngornermi unamminissat
Arnat | Angutit | |
Nal. 11.00 | PVN - KT-VI | KT-VI - GSS |
Nal. 13.00 | GSS - TVK | IVK - TVK |
Nal. 14.30 | PVN - IVK | AVI - PVN |
Nal. 16.00 | KT-VI - TVK | |
Nal. 17.30 | KT-VI - GSS | IVK - AVI |
Nal. 19.30 | TVK - IVK | GSS - PVN |