Kangaamiormiut nutaamik talittarfittaarusuttut

Nunaqarfimmi Kangaamiuni innuttaasut nutaamik talittarfeqalernissartik pillugu atsiornernik 85-inik, Attaveqarnermut Naalakkersuisumut, Knud Kristiansenimut tunniussissapput, Qeqqata Kommuniani inuussutissarsiutit suliffissaqartitsiniarnerlu pillugit februaarip 24-niit 26-at ilanngullugu isumasioqatigiittoqarnerani.
Assi © : Naja Willumsen/KNR
Allattoq Apollo Jeremiassen
februaarip 24-at 2015 10:36
Nutserisoq Simon Uldum -

Kangaamiuni innuttaasut atsiornernik katersuisut sinnerlugit kommunalbestyrelsimut ilaasortaq, Tønnes Kreutzmann, Atassut, taama tusagassiorfinnut nalunaarummini allappoq.

- Ukiut 15-it angullugit talittarfimmik nutaamik kissaateqarnerput naammalerpoq, nutaamik talittarfilortoqarli! Kangaamiormiut atsiornernik katersisut taama allapput imalu nangillutik.

- Royal Arctic Linep pajuttaatit nutaat 2015-imi 2016-imiluunniit atuligassai nunaqarfitsinnut akornuteqanngitsumik talissinnaassappata, pisariaqarpoq nutaamik talittarfiliortoqarnissaa, taamaattoqassanngippat 1950-ikkuni pissutsinut ikaarsaassaagut, prammersuillu atorlugit nioqqutissanik allanillu ikaassuinerit atuleqqillutigit, Kangaamiormiut allapput.

Sanaartornermik Ilinniarfik, ARTEK suleqatigalugu Qeqqata Kommunia siorna misissuisitsipput, talittarfiuliortoqarpat tamassuma qanoq akeqarnissaanik. Misissuinerullu tamassuma inerneraa, talittarfik nutaaq,  8 milionit koruunit missaannik akeqassasoq, naak siusinnerusukkut misissuinermi oqaatigineqaraluartoq talittarfiliorneq, 20-30 millionit koruuninik akeqassasoq, Kangaamiormiut sinnerlugit taama allappoq, kommunalbestyrelsimut ilaasortaq, Tønnes Kreutzmann.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq