Kandidatit nutaat marluk

Aarhusimi Universitetimi aamma Syddansk Universitetimi ilinniakkaminnik naammassisut marluk kandidatitut imminnut taasinnaanngorput.
Allattoq Louise M. Kleemann
oktobarip 03-at 2011 12:18

Mikaela Augustussen Syddansk Universitetimi sundhedsvidenskabeligt fakultetimi peqqissaanermut tunngasuni kandidatitut ilinniagaqarnerminik naammassivoq, Cand.scient.san-itullu taaguuteqalerluni.

Kalaallit arnat illissap paavatigut kræftinnguussinnaasunik naassaarfigitinnerminnut isiginneriaasiat Mikaela Augustussenip kandidatitut soraarummeerutimini sammivaa.

Mikaela Augustussen peqqissaanermik Ilinniarfimmit peqqissaasutut 2001-imi naammassivoq ullumikkullu Peqqissaanermik Ilisimatusarfimmi ilinniartitsisutut atorfeqarluni.

Kandidatinngortup aappaata, Joan Holst Hansenip, Kalaallit Nunaata imartaani inuussutissat uiguleriiaarnerat kandidatitut soraarummeerutimini sammivaa.

Soraarummeerutaa Aarhus Universititimit aamma Pinngortitaleriffimmit sulqaitigiissutigineqarpoq kiisalu Silap Pissusianik Ilisimatusarfimmit ilisimatusarnermullu isumalioqatigiissitamit aningaasaliiffigineqarpoq.

Mikale Augustussenip soraarummeerutaa pillugu apersuineq Iterluarnaami septembarip 30-ani  immiunneqartoq  uani tusarnaarneqarsinnaavoq:

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq