Kammalaatersorneruvoq

Demokraatit sinnerlugit inatsisartut Aalisarnermut ataatsimiititaliaanni ilaasortaq, Jens B. Frederiksen, uissummeqqaqaaq. Uissuumminerminut patsisigaa Frans Heilmann, Sigguk A/S-imi pisortaq qaleralinnik 1825 tons-inik pisassinneqarsimammat. Demokraatit tusagassiorfinnut nalunaarutaanni erseqqissarneqarpoq Frans Heilmann, Siumuulluartutut ilisimaneqarmat, taamaammallu pisassiineq kammalaatersornertut taasariaqarmat.

Jens B. Frederiksen nangippoq Inuit Ataqatigiit Atassullu iliuuseqartariaqarsimagaluartut. Uissuumminerminullu patsisitut ilaatigut taakkartorpaa, massakkut pisariaarussimasoq pisassiinermi ilumut suliamik naammassinnissinnaaneq uppernarsartariaarummat, tamassumalu kingunerisaanik kikkulluunniit pisassinneqarnissaminnut quinnuteqarteqarsinnaanerat naalakkersuisunit ilimagineqarsinnaalissasoq.

Jens B. Frederiksen-ip ilaatigut aamma taavaa kalaallit nunaanni pisussuutivut uumassusillit akisussaassuseqanngitsumik naalakkersuisunit aqunneqalersut.