Kallermit eqqugaasoq toquvoq

Isikkamik arsaattartoq inuusuttoq, Jyllandip Kitaani, Ulfborgimi, arsaattoqarnerani kallermit eqqugaasoq, Holstebromi napparsimmavimmiitilluni toquvoq.

Internetaviisi Holstebro-Struerimi ullormut saqqummersartoq taama allappoq.

Ulfborgimeersut Måbergimeersullu isikkamik arsaallutik unammineranni nukappiaq kallermit eqqorneqarpoq. Nukappissat arlallit eqqugaagaluarput, ataaserli uutiterujussuarpoq, ilaat tuparujussuaannartut.

Arsaattartut klubbianni siulittaasup oqarnera naapertorlugu, ajunaartoqarnera kialuunniit pisuussutiginngilaa. Oqaluttuarporlu arsaattoqarnerani allaaqqissorujussuugaluartoq, tassanngaannarli kallilersimalluni..

- Kallernera ungasissumeersoq tusaasinnaavarput, qannguluttoqarpormi, kisianni silaqqikkaluarpoq. Tassanngaannaq siallilerpoq, kallileriataarlunilu, siulittaasoq oqaluttuarpoq.

Danmarkimi sapaatip-akunnerata naanerani sakkortoorujussuarmik kalleqattaarlunilu siallerujussuaqattaarpoq, isikkamillu arsaalluni superligami unamminerit marluk silarlunnera pissutigalugu taamaatiinnartariaqarsimallutik.