Kalistat Lund Siumumit tunuarpoq
Apeqqutini pingaarutilinni sivitsortumik isumaqatigiinnginneq, partiip 1979-imili ilaasortaaffimmi, qimanneranut tunngavigaa.
- Partii 1979-imiit ilaasortaaffigisimasara ullumikkumut allanngorsimaqaaq. Partiip taaguutaa Siumut taannaagaluarpoq, kisianni politikkikkut inissisimaffia suleriaatsillu ukiut ingerlanerini allanngorsimaqaat, tassami politikki ingerlasuugami taamaappoq, pissutsilliukua tamakkua uannut naleqqukkunnaarsimammata anisariaqalersunga, Kalistat Lund allappoq.
Taanna Inuit Ataqatigiinnut ilaasortanngorumalluni saaffiginnissimavoq, namminerlu tusagaa naapertorlugu saaffiginnissutaa maanna nalilersorneqarpoq.
Kalistat Lund siornatigut Narsami borgmesteriuvoq. Aamma Inatsisartuni ilaasortaasimavoq taamatuttaarlu Siumup siulersuisuunerini ilaasortaasimalluni.
