Kalistat Lund namminersulernissamut ataatsimiititaliami ilaasortaagallarpoq

Namminersulernissamut ataatsimiititaliat nutaamik siulittaasortaassanersoq naalakkersuisut suli aalajanginngilaat, taamaammat inatsisartuni ilaasortaasimasoq Kalistat Lund siulittaasuugallarpoq. Sulisitsisut kattuffiata Grønlands Arbejdsgiverforening-ip nittartagaani atuarneqarsinnaavoq taarserneqarsinnaaratartoq.

Ataatsimiititaliami erseqqissarneqanngilaq inatsisartunut ilaasortaajunnaarnerani taarserneqassanersoq. Inatsisilerituut politikerillu ataatsimiititaliaq inatsisartoqarnermut ilaalluinnarmat qinikkanik ilaasortaqarpoq, GA-lu naapertorlugu Kalistat Lund taartissarsiorneqassasoq.

Novemberip 15-iani inatsisartunut qinersinermi Kalistat Lund 115-init taaneqarpoq, ilaasortanngornissaanullu taasisai naammassimanngillat. Siumup naalakkersuisunut ilaasortaatitanngortuisa sulinngiffeqarallartussat sinniisaat aggersarneqaraluartut Kalistat Lundip ilaasortanngoqqinnissaanut naammassimanngilaq.

Januaarip qulingani aqqarnanilu ataatsimiititaliap sulisitai naapippata ilaasortat nutaat marluk peqataasussat tassaapput Ruth Heilmann aamma Johan Lund Olsen, taarsissallugit Per Rosing Petersen aamma Aqqaluk Lynge – tamarmik qinigaaqqinngitsoortut. Ataatsimiititaliaq tamanut ammasumik februaarip arfineq-pingajuani ataatsimiissaaq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat