Kalallit Vioxx-imik atuisimanersut naluaat

Dronning Ingridip napparsimavissuani nakorsaaneq Karin Ladefoged radioavisimut oqarpoq ukiuni arfinilinngortuni kalaallit nunaanniinnermini, Vioxx atorneqarsimanngitsoq ilisimagini.

Amerikamiut nakorsaasiorfissuat Merch aamma Company danskit aningaasaasa 25 milliarder koruunit amelaqataannik taarsiiniarluni isumaqatigiissuteqarpoq. Gigtertunut nakorsaatip Vioxx-ip atuisunit toqqutigineqartartoq uppernarsineqarmat Nakorsaasiorfissuaq taarsiissuteqarniarluni akuersivoq. Taarsiivigineqartussat ilaat 50-t danskiupput. Vioxx Kalaallit Nunaanni atorneqarsimanersoq atorneqartarsimagunilu inuummarluutigineqartarsimanersoq allatigulluunniit kingunerlutsitsisarsimanersoq ilisimaneqanngilaq. Dronning Ingridip napparsimavissuani nakorsaaneq Karin Ladefoged radioavisimut oqarpoq ukiuni arfinilinngortuni kalaallit nunaanniinnermini, Vioxx atorneqarsimanngitsoq ilisimagini. – Kalaallit Nunaannulli pinissara sioqqullugu atorneqartarsimanersoq naluara. Ilisimavarali Kalaallit Nunaanni gigtertoqaaloqisoq taamanilu Vioxx nakorsaatitsialassuartut isigineqartoq, Karin Ladefoged oqarpoq nangipporlu: Kalaallilli akornanni atuisoqarsimappat kaammattussavakka pisortanut saaffiginneqqullugit, aatsaat saaffiginnittoqarpat gigtimut nakorsaat Vioxx ajornartorsiortitsisimanersoq paasisinnaagatsigu.l

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat