Kalaallit VM-eqataasut aniinnarput

Nunarsuarmi alpinimik pissartanngunniunnermi sangusaapiloornermi Bormio-mi Italiami ingerlanneqartumi nunatsinniit peqataasut marluk aniinnarput.

Sangusaapiloornermi nunarsuarmi pissartanngorniunnermi nunatsinniit peqataasut marluk, Akannguaq Lennert Nuummi NS-84-meersoq, Krister Støvlbæk-ilu Sisimiuni SSP-meersoq peqataapput, tamarmilli aniinnarput. Krister Støvlbæk sisunermi siullermi aniinnarpoq, pissangasimavallaarnini pissutigalugu, Akannguaq Lennertillu aappassaanik sisunermini sisoraatini katattoorpaa.

Krister Støvlbækip oqaluttuaraa, naggammik VM-imut peqataalluni, siorna seqquminik ajoquserujussuarnermi kingorna seeqquni anniarisalersimagamiuk.

Akannguaq Lennert napparsimalluni sisusoq, siullermeernermi normu 49-nngorsimagaluarpoq, aappassaanilu sisugami portit, tassa uiagassat tallimaat tikillugulu sisoraatini katakkamiuk aniinnartariaqarsimavoq.

Sangusaapiloornermi 155-t peqataapput, Akannguaq Lennert nr. 78-iulluni aallartoq, Krister Støvlbæk-ilu nr. 99-tut aallarpoq.

Kalaallit sangusaartartut arfininngorpat, sangusaarnermi peqataassapput. Ullumi sangusaapiloornermi ajugaasuuvoq Herman Maer, nr. 2-julluni Benjamin Raich, tamarmik Østrig-imeersut, nr. 3-nngorporlu Daron Rahlves USA-eersoq.