Kalaallit Uruguayimiunut ullumi ajorsarput

Assammik arsartartut, U-20-mik taaneqartartut, ittuat, Michael Mulvad, Buenos Airesimiit ullumi taama ilisimatitsivoq, kalaallit Uruguay-imiunut unammigamik 14-16-imik ajorsarput.

Nivissat arsarluaraluarput, saassussisulli Uruguay-imiut måliat qanilligaangamikku allaanerooq ajorput ilisiinneqartartut. Suna tamarmi iluatsinngitsoorpoq, naak ilaatigut periarfissarissaartaraluarlutik, Michael Mulvad pakatsisimaqisoq oqaluttuarpoq.

-Unammisut muminnermi tamarmik arfineq-pingasoraaqqagaluarput, unamminerullu immikkoortuata aappaani tamarmik quleraaqqagaluariarlutik isertitseriaraluarnerit tulleriiginnaat tallimat iluatsinngitsoorpaat, tamannalu pillaatisiaraat, Michael Mulvad oqarpoq.

Nivissat soorunami pakatsisimaaqaat, brasiliamiunulli pikkoreqisunut aqagu unamminissaminnut maanna piareersarput. Kalaallit Nunaat Brasiliamut ajorsassagaluaruni ingerlaqqinnissaminut periarfissaqalaassaaq. Puerto Rico Uruguay-imut aqagu ajorsassappat, isertitat qassiunersut apeqqutaallutik kikkut Brasiliamut unammissanersut paasinarsissammat.