Kalaallit umiartortut atorneqarlik kinali akiliissava?
Nunaqarfinnut siunissami assartuussinermik ingerlatsisunngortussaq, tyskit umiarsuaatileqatigiiffiat ”Strahlmann”, kalaallinik umiartortunik inuttaqarumalersoq, KNI-p pisortaanerata Gerhardt Petersenip ilisimatitsissutigaa.
Tyskit assartuutileqatigiiffiat aallaqqaammut aalajangersimagaluarpoq, polenimiunik akikitsunillu sulisoqassalluni.
Polenimiut akissaatikilliortitaangaarlutik umiartorsinnaasut nunatsinnut tikisinneqassanngillat, umiartortunilli nunatsinneersunik tyskit assartuutaanni marluusuni kalaallit katillugit 32-it sulisorineqarnissaat isumaqatigiissutigineqarpoq.
Tyskit assartuutaasa kalaallinik inuttalerneqarnissaanut atatillugu aningaasartuutissanut kikkut akilersuinissaata inissinnissaa kiserngoruppoq, kalaallinilli inuttaqarnissamut tyskit tassa akuersipput, Gerhardt Petersen oqarpoq.
