Kalaallit Tunesiamut ajorsarput

Tunesia ullaaq unammigamikku - naatsorsuutigineqareersutut Tunesia nikinnermi 18-9-mik siuaqqareerluni 38-24-mik ajugaavoq.

Kalaallinut tunngatillugu ullumikkut isertitsingaatsiarnerat, Timersoqatigiit Kattuffiata nittartagaani nuannaarutigineqarpoq. Taamaattorli kinguarsimasut assersuinerminni suli annaasaqaqattaarnerat oqaatigineqarpoq.

Aqagu ullaassakkut maani sisamanngorpat, kalaallit naggataarlutik Serbia unammissavaat, unammisassaallu mersernaqaat.

Tassami Serbiamiut Frankrig unammigamikku 26-21-mik ajugaaffigimmatigik, taamalu Serbiamiut Frankrigimit pitsaanerusutut oqaatigisariaqarlutik, pissartanngorniunnerummi aallartinnerani kalaallit Frankrigimut 47-12-imik ajorsareernikuummata.

Maannamuungallartoq pulje A-mi Norge siuttuuvoq 8 pointeqarluni, tullersortigalugit Frankrigi, Tysklandi, Serbia, Tunesia aamma Kalaallit Nunaat.