Kalaallit tuluit oqaasiinik piginnaasaat amerikamiut Danmarkimi aallartitaqarfiata pitsanngorsaavigai

Nuummi niuernermik ilinniarfiup ukiormanna tuluit oqaasiinik pikkorissartitsinera maanna naammassivoq pikkorissartullu pitsaalluinnartumik angusaqarsimapput. Pikkorissaanerit pingasut, tamarmik akeqanngitsuusut, kalaallit 16-it nunarsuarmi oqaatsit atorneqarnerpaat ilaannik piginnaasaqalualernissaannik qulakkeeripput.
Allattoq Peter Troelsen, Simon Uldum
decembarip 07-at 2012 08:24

Pikkorissaanerit Amerikamiut Danmarkimi Aallaqartitaqarfiata, Joint Committee Kalaallit Nunaata Nuummilu Niuernermik Ilinniarfiup suleqatigiinnerisigut neqeroorutigineqartut, qaffasissutsini assigiinngitsuni assigiinngitsorpassuarnillu imaqartillugit ingerlanneqarsimapput.

"Everyday English” tuluttut pikkorissarneq: Pikkorissartut sisamat angusillutik allagartartaarput (peqataasut ikinnerpaamik 50 %-iusussaallutik)

“Discuss and Explain” tuluttut pikkorissarneq: Pikkorissartut tallimat angusillutik allagartartaarput (peqataasut ikinnerpaamik 50 %-iusussaallutik)

”Customer Service” tuluttut pikkorissarneq: Pikkorissartut arfineq-marluk angusillutik allagartartaarput (peqataasut ikinnerpaamik 50 %-iusussaallutik)

2013-imi tuluttut pikkorissartitsinerit amerlanerusut neqeroorutigineqassapput - nittartakkami www.ninuuk.gl-imi tuluttut pikkorissartitsinerit tamaasa pillugit paasissutissaqarpoq peqataanissamullu nalunaartoqarsinnaalluni ( ingerlaqqiffissaq toqqaannartoq tassaavoq www.ninuuk.gl/international/us-embassy-english).

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq