Kalaallit angutit isikkamik arsarnermi nunanut allanut unammisartui Cypernip avannaani ELF CUP-eqartoqarnerani ullumi Gagaozia 2-0-imik ajugaapput.
Nunatsinni timersortartut kattuffianni siulittaasoq Lars Lundblad tamanna pillugu Cypernip avannaanut attaveqarfigaarput.
- Kalaallit arsarluaqaat Gagaoziamiut akeqqagut målmanderippallaanngitsuuppata immaqa sisamaraarsimasinnaagaluarput, Lars Lundblad qiimarpaloqisoq oqarpoq.
Taanna aperaarput aqagu Zanzibarimut kalaallit unammilerpata ajugaanissaat ilimagisinnaaneraa.
- Kingullermik taakku ajugaaffiginikuuagut, taamaattumik akiniaaniartussaassapput, takussavarput qanoq angusaqartoqarumaarnera, Lars Lundblad oqarpoq.
Taanna unnersiorportaaq pulje 1-mut anngussimallutik taamaalillutik ingerlaqqinnissamut periarfissaqarnerulerlutik.
- Ajugaanerput pingaaruteqartorujussuuvoq periarfissat ammaanneqarput, aqagu imaassinnaavoq semifinalemut annguttugut takujumaarparput, Lars Lundblad oqarpoq.
Taannattaaq unnersiorpoq Cypernip avannaa 30-nik kiattoq taamalu aviisiliortorpassuarnik soqutigineqarsimaqalutik taamaalillunilu nunarput nittarsaalluaritsik.
Kalaallit isikkamik arsartartut sapaatiuppat Tyrkie aqqusaarlugu nunatsinnut angerlassapput.