Kalaallit Tivolimi ulluat kingulleq

Danmarkimi ulluni ukunani siallertuarpoq, taamaanneralu kalaallit Tivolimi ulluni pingasuni aaqqissuussineranni malugineqarsinnaalluarpoq.

Ullormi siullermi aappaannilu, tassalu arfininngornermi sapaammilu isertut siorna isertunut naleqqiullugit ikinnerungaatsiarsimapput, siorna 62.000-it isertut ukioq manna 48.000-it isersimapput. Taamaattorli aaqqissuisut naammagisimaarinnipput.

- Taama amerlatigisunik takkuttoqarsimammat ajunngeqaaq. Kalaallit Nunaata Aallartitaqarfiata paasissutissiisartua Susan Frydendahl naliliivoq.

Ullumikkut ulloq aggustip aallaqqaataa kalaallit Tivolimi ullorisarpaat, ullunilu pingasuni malunnartitsiniaanermi ullut kingullersarisarlugu. Aaqqissuisut taamaattumik neriupput, ullumikkut silaginnerulaarumaartoq, siorna isertut 103.000-it tungaannut amerlassuseqartut iserniassammata.

Kalaallit Tivolimi aappaagu ulluni pingasuni aaqqissuussisinnaanissaat nalunarpoq, ukioq mannali aaqqissuussineq naammasseriarpat tamanna isummerfigineqarumaartoq, Susan Frydendahl oqarpoq.