Kalaallit Tivolimi takummaasut

Københavnimi Tivoli nunatsinneersunik ullumikkut inuppassuaqassaaq. Kalaallit Nunaat Tivolimi ualimut pingasunut pisortatigoortumik ammaanersiorneqassaaq.
Allattoq Jens Thorin
juulip 31-at 2012 06:37

Kalaallit Danmarkimi feeriartut najugaqavissullu ullumikkut aqagulu Københavnimi takummaasussanngorput. ”Kalaallit Nunaat Tivolimi” ualeru pingsunut pisortatigoortumik ammaanersiorneqassaaq

Kalaallit Nunaat Tivolimi tassaavoq kalaallit kulturiannik nittarsaassineq. Kalaallinik nipilersortoqassaq Danmarkimi nipilersorfiit nuannarineqarnersaanni. Aamma Pantomime teaterimi kalaallit atisaliaannik takutitsisoqassaq tatsimilu qaannamik kinngusaartoqassalluni.

Kalaallit Nunaat Tivolimi ukiut kingulliit ulluni pingasuni pisaqaraluartoq maanna ullunut marluuinnarnut sivikillineqarpoq.

- Nukissaq apeqqutaalluni taama aalajangiisoqarpoq, taama aaqqissuisuniit Rasmus Petersen Radioaviisimut nalunaarpoq.

- Ukiorpassuarni ”Kalaallit Nunaat Tivolimi” ingerlatsisuusartoq Sidsel Møller, ukioq aqutsisuni kiserngorussimavoq, taamaammat nukissat aaqqissuisussallu killeqarnerat pissutigalugit aaqqissuussineq ulluni marlunni ingerlanneqartussatut aalajangiunneqarluni, aaqqissuisut taama nalunaarput.

Kalaalit Tivolimi naapinnerat ukiut 37-issaat ingerlanneqassaaq, ilimagineqarporlu Tivolimut isertut 40.000-it pallissagaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq