Kalaallit tivolimi 2012
Namminersorlutik Oqartussat kulturikkut aningaasaateqarfiata kalaallit Tivolimi naapittarnerannut aningaasatigut tapiisarunnaarnikuunera, Tivolimi kalaallit naappittarnerannut aaqqissuisuusumit eqqumiigineqarpoq.
- Aningaasanik tapiisarunnaarneq Namminersorlutik Oqartussanit tunngavilersuutigineqarpoq, aaqqissuinerit Kalaallit Nunaanni ingerlanneqarneq ajormata. Naak aaqqissuinitsinni kalaallit amerlasuut katerittaraluartut. Namminersorlutik Oqartussat aningaasaliinginnissaminnut tunngavilersuutaasa ilagaat ukioq kingulleq aaqqissuinitsinni aningaasanik 5000 koruuninik sinneqartoorsimanerput, Kalaallit tivolimi naapittarnerani aningaaserisoq ataqatigiisaarisorlu Rasmus Petersen oqarpoq.
Kalaallit Tivolimi naapittarneranni aningaasat atorneqartartut ikiliartornerisa nassataraa, aliikusersuisartut aningaasarsiakinnerulerneri taamatullu aamma kalaallit Nunaanniit aggersinnaasagut killeqalerneri.
- Aggersaarusuttaraluarpugut nipilersortunik amerlasuunik, kisiat aningaasassaqartinngilarput. Kalaallit Nunaannit Danmarkimut inummik ataatsimik tikisitsissagutta 10.000 koruuninik akiliisussaavugut, tamannalu aningaasassaqartinngilarput, Rasmus Petersen oqarpoq.
Aningaasat kalaallit Tivolimi katerinneranni atorneqartartut ukiuni siuliiniit annikinnerugaluartut, tassa 300.000 koruuniugaluartut, aaqqissuisut ukioq mannamut pilersaarutit ajorinngeqaat.
Rasmus Petersennimit ilanngullugu aamma oqaatigaa, aappaagumut pilersaarutit aallartiaarneqassasut taamaalillutik Namminersorlutik Oqartussanit aningaasanik taperneqarsinnaanissaminnut periarfissaqarneruniassagamik.
