Kalaallit tisanermik unammisoqarnerani 3-nngorput
Kalaallit inuit timersuutaanniik timersortartut arfinillit World Eskimo-Indian Olympicsimi Alaskami Fairbanksimi ingerlanneqartumi peqataapput. Susanne Nielsenilu tisanermik unammisoqarmat nr. 3-nngorpoq.
Allattoq Simon Uldum -
juulip 18-at 2013 07:15
Nunatsinni peqataasut tassaapput: Uummannarmiu Susanne Nielsen, Iluliarmiut Pilo Rasmussen aamma Mikkel Andersen kiisalu Nuummiu Aputsiaq Høy. Taakkulu angalaqatigaat Marie Kl. Semionsen ASGF-milu siulittaasoq Helga Nielsen.
- Unammiartitseqattaaratta aallartinnerani kalaallit pikkorinnerpaat arfinillit ilagisarpaat. Pilo Rasmussen ullumi unammissutini siullerni ingerlalluaqattaarpoq. Angutitavut tamarmik Drop the bombimi, timmisartumi, anngunniuteqataassapput, Helga Nielsen ASGF-mi siulittaasoq tusagassiorfinnut naatsumik nalunaaruteqarluni taama allappoq.
- Unammiartut unammilluaqaat. Nuannisarpugut ullumikkullu 19-inik kialluni sila nillerpoq, tikikkattami 30-t angullugit kiattarami, Helga Nielsen naggasiivoq.
