Timersuummik Takwondomik nunani avannarlermiut pissartanngorniunneranni, Sverigemi ingerlanneqartuni kalaallit unammiartortut 25-iusut angusarissaarluinnartut, unammeqataasunik aqutsisut nalunaarput.
Nunat avannarliit Taekwondomik unammersuarneranni timersortartut 180-it peqataapput.
Kalaallit unammisitaat katillugit 51-inik medaljennapput. Angutinnguaq Tittussen tul-imi paanermilu unamminermi kuultinnappoq, holdikkaarluni tul-imi paanermilu bronzennallunilu sølvinnalluni. Helge Heilmann angutini inuusuttuaqqani marlunnik kuultinnappoq holdikkaarlunilu tul-ernermi bronzennalluni. Tina Nikodemussen paanermi kuultinnappoq tul-imi holdikkaarlunilu paarnermi sølvinnalluni. Norskit aviisianni kalaallit angusarissaarnerpaasimasut allaaserineqarpoq.
Kalaallit nunani avannarlerni ukioq manna ujaminnattaat siornamut naleqqiullutik qulingiluanik amerlanerupput.
Taekwondortartut Bulgariami aasaru nunarsuarmi pissartanngorniutissapput tassanilu nunarput aamma peqataasititaqassaaq.