Assi: Foto: Grønlands Idrætsforbund

Island Games: Kalaallit sulorarnermi ataasiakkaarnermi kuultinnanngitsoorput

Kalaallit Nunaat sinnerlugu Island Gamesimi sulorarnermi peqataasut finalinut anngutinngillat, kalaallilli marlunnik bronzinnapput.

Sulorartartut ataasiakkaarnermi Island Gamesimi ukioq manna kuultinnannavianngillat. Semifinalini ippassaq ullumilu inernerit tamanna takutippaa.

Nina Møller, Sara Lindskov Jacobsen, Milka Brønlund Pilunnguaq Hegelundilu semifinalimi ajorsarput bronzinnatussanngorlutillu.

Jens-Frederik Nielsen angutit ataasiakkaarlutik unammiuaarneranni semifinalimi aamma ajorsarpoq, bronzinnanissanilu qulakkeerlugu.

Frederik Elsner Jens-Frederik Nielsenilu angutit iligiiaarlutik unammiuaarneranni kvartfinalimi ajorsarput, ingerlaqqinngitsoorlutillu. Frederik Elsner angutit ataasiakkaarlutik unammiuaarnneranni kvarfinalimi aamma ajorsarpoq.

AAMMA ATUARUK Nunarput Island Gamesimi kuultinnattoq

Sara Lindskov Jacobsen arnat ataasiakkaarlutik unammineranni kvartfinalimi ajorsarpoq, Toke Ketwa-Drieferilu Sequssuna Schmidtilu angutit arnallu iligiiaarlutik pingajussaanik unamminermi ajorsarlutik.

Toke Ketwa-Driefer Tina Rafaelsenilu ataasiakkaarlutik unammiuaartunut aamma peqataapput, pingajussaanilli unamminermi aamma ajorsarlutik ingerlaqqinngitsoorlutik.

Nerrivimmi arsaararnermi gruppini unamminerit naammassineqareersorlu paasinarsivoq Kalaallit Nunaannit peqataasut tamarmik ingerlaqqittut.

Ataasiakkaarluni iligiiaarlunilunilu unammisaqattaartoqassaaq. Christina Tønder Bell, Kalaallit Nunaanni Timersoqatigiit Kattiffianneersoq taama ilisimatitsivoq.

Kalaallit Nunaata arpannerni peqataatitai 5000 meterimi peqataapput, tassanili ujaminnattoqanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat